Actuaremos esta semana na 32º edición do Festival Internacional de Teatro de Expressao Ibérica (FITEI), que se celebra na cidade de Porto entre o 26 de maio e o 10 de Xuño. Estaremos de novo no TeCA, onde xa tivemos o pracer de presentar Corpos Disidentes e 4.48 Psicose na edición do ano pasado. Desta vez estrearemos alí, Wake Up, o noso último traballo, os días 6 e 7, as 21:30h e as 16h respectivamente, e o día 9, as 21.30, actuaremos en Moita, no Fórum Cultural José M. Figueiredo.

nut_no_teca_fitei-2008

O FITEI é un dos festivais de teatro máis antigos de Portugal, nos últimos anos a súa programación aposta por unha diversidade de propostas: teatro, danza, performance, novo circo…que fan que este festival se aproxime cada vez máis cara ás correntes máis transformadoras da escena contemporánea, apostando ano tras ano pola calidade e a innovación.

Wake Up é unha coprodución entre o Centro Dramático Galego e o FITEI. Para este novo proxecto contamos coa colaboración de Guillermo Heras como asesor dramatúrxico e coa plataforma Kónic Thtr como asesores tecnolóxicos.

arantza

O espectáculo reflexiona sobre a intimidade e as relación xurdidas de novos modelos de convivencia que o devir dos tempos fixo aparecer

“Cando se derriba a fachada dunha casa queda nas paredes unha pegada da vida vivida tras ela: pintura desconchada, azulexos, papel de parede, vigas de madeira, umbrais…

Paredes que xa non resgardan nada, á intemperie, espazos abertos que manteñen anacos de materiais vellos, estruturas espidas.”

A estrea de Wake Up na Galiza será o 18 19 20 e 21 de xuño no Salón Teatro do CDG.